《 初生母乳餵哺篇-2 》
有咗Face book群組既出現，覺得呢個世界人與人之間既距離真係拉近左好多，就好似今次我將我既石頭胸事件分享去母乳群組到求救，一班素未謀面嘅媽媽不斷比意見我，當我想放棄既時候，佢哋又會支持同埋鼓勵我要加油繼續落去，其中有啲仲係我Fans page讀者添😍真係好感動同多謝你哋❤️喺度特別要鳴謝我朋友小杏媽媽，佢原來都係群組成員，見到我既留言之後專登送咗2件通乳恩物俾我，就係卵磷脂同埋通草，卵磷脂具有乳化作用，因此哺乳期服用可以減少乳汁過度濃稠，有效預防乳腺管阻塞。而通草作用是清熱利尿，下乳通竅，治產後乳少，乳汁不下既功效非常顯著，不過通草始終係中藥，如果你係氣陰兩虛同體質偏涼底就最好係中醫師指引再服用啦！🌼經過呢兩樣法寶嘅加持之下，我嘅乳線管都冇再塞過啦！加上陪月Idy姨姨每日都精心為我準備各種色香味俱全嘅月子餐同埋每日煲不同款嘅上奶湯水，得出嚟嘅成績都算唔錯❤️（所以坐月想唔肥都真係幾難😜），不過唔緊要啦！最緊要補好咗個身子先，媽媽精神又健康，母乳裡面先有好既營養俾BB吸收呢❤️下一次將會同大家分享一下關於母乳有幾好同埋有啲咩補充品可以令母乳更加對BB有益！
Search